Elkargoaren aldizkaria argitalpen bat baino askoz gehiago da: ezagutza partekatzeko, Gizarte Lana ikusgai jartzeko, gure jardun profesionalaren aniztasuna aitortzeko eta memoria kolektiboa eraikitzeko gunea da. Eta nahi dugu hurrengo zenbakia, inoiz baino gehiago, lanbidea osatzen dugunon isla izatea.
Horregatik, elkargoko kideei lehen deialdia egiten diegu, haien interesak, esperientziak eta lankidetza-proposamenak ezagutzeko. Ahots anitzak nahi ditugu, Gizarte Lanaren aberastasuna esparru, ibilbide eta ikuspegi desberdinetatik erakusten laguntzeko.
- Gustatuko al litzaizuke kezkatzen edo interesatzen zaizun gai bati buruzko hausnarketa bat partekatzea?
- Profesional gehiagorengana iritsi beharko lukeen ikerketaren bat egin duzu?
- Zure lana nolakoa den eta eguneroko zein erronkari egiten diozun aurre kontatu nahi diguzu?
- Elkarrizketa batean parte hartu dezakezu, edo Nafarroako Gizarte Laguntzako Eskolen jatorriaren memoria berreskuratzen lagundu.
Ez duzu idatzitako artikulurik ezta erabat definitutako proposamenik izan behar. Nahikoa da esperientzia, ideia, ikaskuntza edo lanbidearentzat baliotsua iruditzen zaizun istorio bat partekatzeko gogoa izatea. Zure kezkak ezagutu nahi ditugu, eta zurekin batera horiei forma emateko modua aztertu.
Uste dugu gure esperientziak eta ezagutzak partekatzeak identitate profesionala indartzen duela, ikaskuntza partekatua bultzatzen duela eta Gizarte Lanak gizarteari egiten dion ekarpena ikusarazten laguntzen duela.
Parte hartzera animatzen zara?
Zer eskaini nahiko zenukeen eta zein gairi buruz hitz egin nahiko zenukeen ezagutzeko, galdetegi labur bat prestatu dugu. Lehen urrats honek ez du argitaratzeko konpromisorik eskatzen: aurrerago jarriko gara zurekin harremanetan, balizko lankidetzak zehazteko.
Zure esperientziak balio du. Zure ezagutzak gehitzen du. Zure ahotsak ere gure historia kolektiboaren parte izan behar du.
Lagun gaitzazu gu ordezkatzen gaituen eta ahots guztiek ekarpena egiteko aukera duten aldizkari bat eraikitzen!
Parte hartu galdetegian eta partekatu zure proposamena: SARTU HEMEN.
