Begirada kritikoarekin eta urrats sendoz: gizarte lan gehiago mehatxu globalen aurrean
Gizarte Laneko Kontseilu Nagusiak izen-emate epea ireki du Gizarte Laneko XV. Estatu eta Nazioarteko Kongresurako eta III. Iberoamerikar Kongresurako, 2026ko maiatzaren 28, 29 eta 30ean ospatuko dena, Gijónen (Asturias), Laboral Ciudad de la Cultura-n.
“Begirada kritikoarekin eta urrats sendoz: gizarte lan gehiago mehatxu globalen aurrean” lelopean, kongresu hau gure lanbidearen topaketa profesional, zientifiko eta erreibindikaziozko handienetako bat izango da. Gure garaia markatzen duten erronka sozial, ekonomiko eta ingurumenekoen aurrean Gizarte Lanaren rola kolektiboki birpentsatzeko gunea izango da.
Nafarroako Gizarte Langileen Elkargo Ofizialetik animatu nahi zaitugu ekitaldi historiko honen parte aktibo izatera, mundu osoko profesionalak, irakasleak, ikasleak eta gizarte arloko ikertzaileak bilduko baititu.
Aukera paregabea izango da honako hauetarako:
- Esperientziak eta ezagutzak partekatzeko.
- Beste errealitate profesional eta lurralde batzuekin konektatzeko.
- Gizarte Lanaren konpromisoa ikusarazteko: justizia sozialarekin, giza eskubideekin eta jasangarritasunarekin.
- Gure lanbidearen identitate kolektiboa indartzeko, begirada kritikoarekin eta urrats sendoz.
Nafarroako elkargokideentzako deskontu esklusiboa
Gainera, albiste ona dugu!
Nafarroako Gizarte Langileen Elkargo Ofizialean elkargokide diren lehen 100 pertsonek 15 euroko deskontu esklusiboa izango dute Kongresuaren prezio ofizialaren gainean.
Nola baliatu deskontua:
Bete ondorengo aurreinskripzio inprimakia: Aurreinskripzio galdetegia
Behin jaso ondoren, deskontu-kodea eta Kontseilu Nagusiaren esteka bidaliko dizkizugu, izen-ematea behin betiko formalizatu ahal izateko.
Pentsatzeko, konektatzeko eta eraldatzeko Kongresua
Kongresu hau ez da topaketa akademiko soil bat izango, baizik eta hausnarketa kolektiboko, konpromiso etiko eta ekintza profesionaleko espazioa.
Izatez, gaur egun inoiz baino gehiago, Gizarte Lanak funtsezko papera du mehatxu globalen aurrean: desberdintasuna, krisi klimatikoa, prekarietatea edo bazterketa soziala.
Parte hartzea gure ahots profesionala berresten duen modua da, eta etorkizuna eraikitzen jarraitzeko aukera, ekintza sozial eraldatzailearen bidez.
Zain gaituzu Gijónen.
Ekarri zure ideiak, zure energia eta mundua Gizarte Lanetik aldatzen jarraitzeko gogoa.
Kongresuari buruzko informazio gehiago:
https://congresoestataltrabajosocial.es/
