Elkargoko kide egitea
Nafarroako Gizarte Langintzaren Elkargo Ofiziala
Elkargoko kide egiteak elkarrekin konektatzeko, elkarren laguntza handiagoarekin lan egiteko eta
batzen gaituen lanbideari geure ekarpena egiteko aukera ematen digu.
Elkargoko kide egiteko 10 arrazoi
Elkargoko kide egiteko eta gure lanbidearen jardueran eta eraikuntzan parte hartzeko badira arrazoi interesgarri eta aberasgarri ugari. Hona hemen horietako batzuk:
1. Gure lanbidea defendatzea.
GIZARTE LANA……AITORTUTAKO LANBIDEA DA? Norengana jo dezaket bultzatu, babestu edo argitu nahi ditudan gaiak jorratzeko? Iritzia eman dezaket? Parte har dezaket?
Elkargoak gure jarduera profesionala defendatzen du arlo ezberdinetan, eta, era berean, taldearen lanbidea eta ongizatea zaintzen ditu erantzukizun profesionalei begira.
2. Elkargoko Lantaldeak edo Batzordeak sortzea eta/edo horietan parte hartzea:
Elkargoko batzordeetan parte har daiteke; hala nola, Osasun Batzordean, Gizarte Zerbitzuen Batzordean, Bitartekaritzan, Gizarte Lan Komunitarioan eta Komunikazio Batzordean. (lantalde/batzordeetarako esteka)
3. Gure Enplegu-poltsan sartzea eta Gizarte Langintzari buruzko informazio erreferentea eskuratzea.
Gure inguruneko enpresa edo instituzio publikoek Elkargora jotzen dute gizarte-langile bila dabiltzanean; beraz, Enplegu-eskaintzen inguruko informazio-zirkularrak zure postan jasoko dituzu.
Halaber, Gizarte Langintzaren gainean zure ingurunean egingo diren jarduera, prestakuntza, hitzaldi, jardunaldi eta abarri buruzko informazioa jasoko duzu astero.
4. Prestakuntza etengabea eta iraunkorra.
Birzikla zaitez, sakondu eta partekatu zure jakituriak!!! Gaiak proposa ditzakezu prestakuntza-planetan kontuan har ditzagun.
Abantailak izan ditzakezu Elkargoak eta beste erakunde batzuek (haiekin hitzarmenak ditugunean) antolatutako ikastaroak egiteko.
Profesional gehiago ezagutuko dituzu, eta haiekin ezagutzak partekatu eta ikasi ahal izango duzu!
5. Erantzukizun zibileko asegurua elkargokideentzako baldintza bereziekin
Gero eta garrantzitsuagoa da Erantzukizun Zibil Profesionaleko Aseguru egokia izatea. Elkargoak behar bezalako asegurua eskaintzen dizu, norberak bere aldetik lor ez ditzakeen baldintzekin.
6. Aholkularitza juridikoa
Nola argituko ditut nire lanbideari buruzko zalantzak? Nola babes naiteke?
Elkargoak eskumen profesionalen eta tituluaren atribuzioen inguruko aholkularitza juridikoa eskaintzen dizu; Elkargoko Aholkularitza Juridikoak bere gain hartuko ditu horiek. Halaber, aurretiko eta doako aholkularitza eskaintzen du, besteak beste, erantzukizun zibil nahiz penalari buruzko gai orokorren inguruan.
7. Jakinduria eguneratzea: “zure ezagutza izan bizirik”
Gizarte Langintzako Kontseilu Nagusiak eta Elkargoak zure eskura dute Gizarte Langintzari buruzko dokumentazioa, elkargokideentzat dokumentu interesgarriarekin eta informazio eguneratuarekin.
8. Elkargoaren Bitartekaritza Zerbitzura jotzeko aukera
Elkargoak Bitartekaritza Zerbitzu bat du, eta zuk zerbitzu hori eskura dezakezu Elkargoko kide izateagatik.
9. Ezagutzaren inguruko hausnarketa eta kudeaketa
Profesionalen arteko jarduera eta topaketa ezberdinen bitartez, hausnarketa-guneak partekatzen ditugu, ezagutza jasotzeko eta ikasteko helburuarekin.
Era horretan, topaketa horiek sustatzeko jarduera ezberdinak antolatzen ditugu: kafe-tertulia, pentsatzeko txokoa,…
10. Liburutegi-zerbitzua: zuretzako espazioa!!!
Ikasteko edo kontsultak egiteko lekua behar duzu? Oposizioak prestatzeko edo lanbideko gairen bat jorratzeko talde bat sortu nahi duzu? Eman zure ideiak gure funts bibliografikoa areagotzeko.
Elkargoaren aretoa erabili dezakezu, aurrez eskatuta.
Gainera, ondorengoak eskura ditzakezu…..
– Elkargoaren kuota murriztuak; Elkargoaren kuotaren ordainketa desgraba dezakezu
Errenta-aitorpenean, abantaila fiskalak dituzu Elkargoaren kuota desgrabatzen baita.
Deskontua duzu Elkargoaren kuotetan baldin eta langabezian bazaude eta kuota ordaindu aurreko 5 hilabetetan prestaziorik kobratu ez baduzu.
Erretiroa hartutako elkargokideek ez dute kuotarik ordaintzen, eta, hala nahi izanez gero, informazioa jasotzen jarrai dezakete.
Horrez gain, jakin behar zenuke…
– Elkargoko kide egitea DERRIGORREZKOA dela.
Gizarte Laguntzaileen Elkargo Ofizialak sortzeari buruzko apirilaren 13ko 10/1982 Legearen (estatukoa) 3. artikuluan honela agertzen da: «lanbidean aritzeko derrigorrezkoa da dagokion Elkargoan kide egitea». Artikulu osoa.
Elkargoko kide egiteko baldintzak
- NANaren fotokopia
- Tituluaren fotokopia edo titulua tramitatzen ari dela frogatzen duen ziurtagiria.
- Banku-kontu zenbaki osoaren fotokopia, kuoten ordainagiriak zordundu ahal izateko.
- Bi argazki (karnetarako modukoak).
- Elkargoaren kontuan, 72,12 euro sartu izana ikasketak duela bi urte edo bi urte baino gutxiago amaitu badira edo 120,20 euro ikasketak duela bi urte baino gehiago amaituz gero. Elkargoaren kontua hau da: NAFARROAKO RURAL KUTXA, ES913008/0077/12/0703139220. Zenbateko hori Elkargoan izena emateko ordaindu behar da, eta ordainketa bakarrekoa da.
- Elkargoaren kontuan elkargokide egitearen kuotaren zati proportzionala (zein hilabetetan elkargokide egin den kontuan hartuta) sartu izana egiaztatzen duen ordainagiria:
- Urtarrila eta uztaila: 62,50 €
- Otsaila eta abuztua: 52,08 €
- Martxoa eta iraila: 41,66 €
- Apirila eta urria: 31,25 €
- Maiatza eta azaroa: 20,38 €
- Ekaina eta abendua: 10,42 €
- Eskabidea deskarga daitekeen edo Elkargoan emango den ereduaren arabera.
- Banku-.baimena deskarga daitekeena edo Elkargoan emango dena.
- Elkargoan emango den txartelaren fitxa.
Dokumentazio hori guztia Elkargoan aurkeztu beharko da edo, bestela, eskaneatu eta on line bidali.
Elkargokide egin ondoren, kuota sei hilabetekoa izango da (62,50 €), eta ordainagiriak urtarrilean eta uztailean pasatuko dira.
2023ko urtarriletik aurrera, elkargokidearen kuotan % 20ko deskontua ezarri da, eta sei hilean 50 € ko kuota ezarri da kasu hauetan dauden elkargokideentzat:
- Langabezia kuota kobratzen den unean (kuota kobratu aurreko hilabetean lan-bizitzaren agiria bidaltzea)
- Zaintzagatiko eszedentzia (kuota kobratu aurreko hilabetean lan-bizitzaren agiria bidaltzea)
- Guraso bakarreko familiak (frogagiria: guraso bakarreko familia egiaztapena)
Dokumentazio hori ekainaren 25a eta abenduaren 25a arte jasoko da, urtarrileko eta uztaileko kuotetan, deskontuak aplikatzeko..
- ELKARGOKO KIDE EGITEKO ESKAERA
- BANKUAREN BAIMENA
- GIZARTE-LANEKO 4. MAILAKO IKASLEENTZAKO AURREKOLEGIATZEA
- ELKARGOKIDE IZATETIK BAJA EMATEKO ESKAERA
Zer da aurrez elkargokide egitea?
Gizarte Laneko 4. mailako ikasleei, titulazioa amaitu aurretik, lanbide munduarekin harremanetan jartzeko aukera ematen dien zerbitzua da. Elkargoko kide egin aurretik, elkargoko zerbitzuez baliatzeko eskubidea izango duzu, horietarako titulazioa eskatzen ez den bitartean.
Aurrez elkargokide izatearekin, zerbitzu hauek erabil ditzakezu:
- Informazio eta orientazio profesionala
- Ikasle gisa prestakuntza jasotzeko prezio murriztuak izatea.
- Seihileko batzarretara entzule gisa joatea
- Liburutegiaren funtsa erabiltzea (ez mailegua)
- Asteroko informazio-buletineta jasotzea
- NGLEOk, sei hilean behin, argitaratzen dituen aldizkariak jasotzea
- Batzordeetan eta lantaldeetan parte hartzeko aukera
Zerbitzu honek 30 €ko prezioa du (ordaina bakarra)
NGLEOko aurrez elkargokide egiteko, hauek aurkeztu behar dituzu:
- Aurrez Elkargokide bezala alta emateko eskaera.
- Gizarte Langintzako ikasketen 4. mailako matrikularen fotokopia.
- Nortasun Agiriaren fotokopia.
- Elkargoaren kontuan, 30€ sartu izana. Elkargoaren kontua hau da: NAFARROAKO RURAL KUTXA, ES913008/0077/12/070313922
Aurrez Elkargokide bazara, elkargokide egiten zarenean ez duzu inskripzio tasa ordaindu behar Gizarte Langintza amaitu eta hurrengo 6 hilabeteetan tramiteak egiten badituzu. Gradua amaitu eta 6 hilabeteko epean inskripzioa egiten ez baduzu, aurrez egindako elkargokide izateari utziko diozu.
